من الجزائر ابعث لكم هذه النكت

-زوج مجانين كانوا راكبين في طيارة واحد قال للاخر

اهبط اشريلي شكارة لبن أيا المجنون حل الباب و انزل

من بعد عطل عليه راح يشوف علاش عطل حل الباب لقاه

معلق فالجناح نتاع الطيارة و البرد يدي فيه ، قالو العب و من بعد

قولي لقيت الحوانت مبلعين .



- هذا واحد القهواجي كان يبيع القهوة ب60 دورو

أيا كان واحد دايما كي يشري عليه وحدة يعطيه 100دورو

مول القهوة كي يرجعلو 40 دورو يرميهالو 20 دورو في الشرق

و20دورو فالغرب و يخليه يحوس عليهم، واحد المرة خلاه حتى

ارمالو 40 دورو وجبد 20دورو من جيبو رماهالو بعيد و قالو

زيدلي واحد القهوة.



--هذا واحد كان دايما كي يدخل للقهوة يقول للقهواجي كاين قهوة

باردة يقولو ماكانش ، واحد المرة القهواجي قال هاذ المرة نديرلو وحدة

و نخليها تبرد، كي جا السيد قالو كاين قهوة باردة قالو كاينة

قالو حميها و جيبها .



-- واحد السيد دايما كي يفوت على الفارماصيان يقولو

عندك النعناع يقولو ماكانش وغدوا كيف كيف ، أيا الفارماصيان

قال هاد المرة نوجدلو النعناع و نشوفو ، أيا كي جا السيد قالو

عندك النعناع الفرماصي قالو هاهو ، رد عليه السيد و قالو

سبحان الله فرماصيان يبيع النعناع.

هههههههها